പരിശോധനയ്ക്കൊടുവിൽ, കുത്തിയത് കടന്നലാണെന്ന് തിരിച്ചറിഞ്ഞതോടെ, പ്രഥമശുശ്രൂഷ നൽകി രക്ഷിതാക്കൾക്കൊപ്പം വിട്ടു. ഇന്നലെ രാവിലെയാണ് സംഭവം. കാലിൽ എന്തോ കുത്തിയതായും അടുത്തുള്ള ഡോക്ടറെ കാണാൻ അനുവദിക്കണമെന്നും കുട്ടി അധ്യാപകരെ അറിയിക്കുകയായിരുന്നു. കൂട്ടുകാർക്കൊപ്പം തന്നെ അടുത്ത ഡിസ്പെൻസറിയിലേക്കു പറഞ്ഞയച്ചു. ഇതുവഴിയെത്തിയ പിങ്ക് പൊലീസ് സംഘമാണ് നടക്കാനുള്ള പ്രയാസം കണ്ട്, വിദ്യാർഥിനിയെ ആദ്യം ആശുപത്രിയിലെത്തിച്ചതും പരിശോധനകൾക്ക് കൂടെനിന്നതും.
